Bøtur

Tað eru strangar reglur fyri at koyra ólógliga á prutli. Koyr altíð lógliga. Bæði fyri tína skuld og fyri onnur.

Nakrar reglur eru tær somu fyri stórt og lítið prutl:

  • Tú skalt brúka góðkendan hjálm
  • Tú hevur ikki loyvi at koyra rúsdrekkakoyring ella um tú hevur tikið ólóglig rúsevni
  • Bert ein kann sita á prutlinum
  • Prutlið skal vera lógligt (ikki tunað)
  • Tú skalt hava ábyrgdartrygging

 

Um prutlið er tunað

Politiið hevur eitt sonevnt 'rullufelt', so tey lættliga kunnu máta á staðnum, hvussu skjótt eitt prutl kann koyra. Hava tey ikki rullufeltið við, kunnu tey taka prutlið við sær, fyri at kanna tað.

 

Lítið prutl

Ásannar politiið við eini máting, at prutlið koyrir skjótari enn 30 km/t, er prutlið ólógligt. 

Vísir mátingin, at prutlið koyrir skjótari enn ásett niðanfyri, verður bótin tillagað alt eftir, hvussu skjótt prutlið er mátað at koyra. Harumframt kann bæði treytað og treytaleys frádøming av koyrikortinum koma upp á tal. 

 

Millum 30 og 39 km/t er bótin 700 kr. 

Millum 40 og 48 km/t er bótin 1.000 kr. 

Millum 49 og 60 km/t er bótin 1.500 kr + treytað frádøming av koyrikortinum, um ferðin er omanfyri 50 km/t. 

Omanfyri 60 km/t er sektin 1.500 kr + treytaleys frádøming av koyrikortinum, um ferðin er omanfyri 70 km/t. 

 

Herumframt verður bót givin fyri at hava framt bygnarðarbroytingar, sum verður løgd omaná bótina fyri at koyra ov skjótt: 

 

Fyrstu ferð: 1.000 kr. 

Aðru ferð: 1.000 kr. 

Triðju ferð: 1.500 kr. umframt at hald kann verða lagt á prutlið.

 

 

Stórt prutl

Ásannar politiið, at prutlið er ólógligt:

Fyrstu ferð: Bót

Aðru ferð: Bót

Triðju ferð: Treytað frádøming av koyrikorti (øll sløg) + bót + hald verður lagt á prutlið

 

Verður prutlið mált á rullufelti til at kunna koyra 64 km/t ella skjótari:

Fyrstu ferð: Bót

Aðru ferð: Bót

Triðju ferð: Verður lagt upp til treytaleysa frátøming av førararættinum + bót.

Kann prutlið koyra 60-63 km/t, fært tú bót umframt klipp í koyrikortið.

 

Bøtur:

Millum 46 og 59 km/t : 700,00 kr.

Millum 60 og 72 km/t: 1.500,00 kr. + klipp yvir 60 km/t og treytað frádøming yvir 65 km/t.

Millum 73 og 90 km/t : 2.000 kr. +  treytaleys frádøming yvir 85 km/t

Omanfyri 90 km/t: 2.000 kr. + treytaleys frádøming yvir 85 km/t

 

Verður tú tikin í ferðeftirliti

Verður tú tikin fyri at koyra ov skjótt  í vanligum ferðeftirliti (so sum lasermáting), fært tú bót. Støddin á bótini valdast um, hvussu skjótt, tú hevur koyrt.

Hámarksferðin fyri lítið prutl er 30 km/t, og fyri stórt prutl er hon 45 km/t. Koyrir tú 60% ov skjótt, missir tú rættin at koyra  prutl treytað. Verður seinni ásannað, at prutlið er ólógligt verða tær báðar bøturnar lagdar saman (tvs ferðbótin og bótin fyri ólógligt prutl).

Støddir á bótum, um tú koyrir ov skjótt á prutli

 

Lítið prutl

Stórt prutl

%

30 km/t

Bót kr.

45 km/t

Bót kr.

undir 30

31-39

700

46-59

700

30-60

40-48

1.000

60-72

1.500 (klipp yvir 60 km/t og treytað frádøming yvir 65 km/t

61-100

49-60

1.500 (treytað frádøming yvir 50 km/t)

73-90

2.000 (treytaleys frádøming yvir 85 km/t)

►100

► 60

1.500 (treytaleys frádøming yvir 70 km/t)

► 90

2.000

 

Treytað frádøming merkir, at gert tú ikki onnur lógarbrot, skalt tú bert gjalda bótina, men um tú seinni koyrir tú tað skjótari, ið er tilskilað í talvuni, missir tú eisini rættin at koyra prutl treytleyst.

Treytaleys frádøming merkir, at koyrir tú við meiri ferð enn 85 km/t, missir tú rættin at koyra prutl treytaleyst.  

 

Á prutli uttan koyrikort

Koyrir tú á prutli uttan at hava galdandi koyrikort, er tað dýrt.

 

Lítið prutl

Fyri lítið prutl er galdandi, at um tú koyrir uttan at hava tikið koyrikort:

Fyrstu ferð: kr. 2000

Aðru ferð: kr. 4000

Bótin kann ikki verða sett niður fyri tey, sum eru undir 18 ár og heldur ikki fyri tey, sum hava serliga lága inntøku.

 

Stórt prutl

Stórt prutl fylgir somu upphæddum sum onnur motorakfør:

Fyrstu ferð: 5.000 kr. 

Aðru ferð: 6.000 kr 

Triðju ferð: 7.500 kr 

Fjórðu ferð: 10.000 kr 

Fimtu ferð: 7 dagar fongsul.

 

Ikki koyrikortið uppi á tær

Hevur tú gyldugt koyrikort til prutlið, men hevur tað ikki uppi á tær, tá tú koyrir, er bótin kr. 700 fyri lítið og stórt prutl.

 

Nær verður hald lagt á prutl? (lítil og stórt)

Inndráttur fer fram, tá triðja brotið er gjørt innanfyri 4 ár eftir fyrstu bótavgerðina, og hægst 2 ár eftir ta aðru bótavgerðina. Tað er dagfestingarnar frá fyrru avgerðunum, sum liggja til grund. Avgerðardagfestingin er vanliga, tá bótin verður goldin. 

Verður t.d. ein tikin 1. januar 2009 og hevur fingið sektaruppskot at gjalda, skal upphæddin vera goldin fyri at telja við til næsta brot, sum er skrásett 1. august 2009. Liggur eingin avgerð frá 1. januar 2009 til hann verður tikin aftur 1. august 2009, so verður tað tikið sum eitt brot. Tað skal fyriliggja ein avgerð millum brotini fyri at hava endurvirknað. 

Inndráttur verður sum høvuðsregla rættað móti eigara. 

Annars eru reglurnar í borgarligu revsilógini um inndrátt galdandi.