Treytað frádøming

Ein treytað frádøming av koyrirættindunum merkir, at tú kanst varðveita rættin at koyra bil, treytað av at tú:

  • stendur eina eftiransandi koyriroynd, t.v.s. eina vanliga ástøðisroynd og eina koyriroynd, áðrenn tríggir mánaðir eru gingnir, síðani tú tók við dóminum ella vart dømd/ur.
  • innan komandi trý árini ikki brýtur ásetingar í ferðslulógini, sum hava við sær treytaða ella treytaleysa frádøming. Hesi trý árini eru sostatt at rokna sum royndartíð.

 

Um tú í royndartíðini, sum er 3 ár frá treytaðu frádømingini, fremur eitt nýtt brot, sum av sær sjálvum ”bert” førir við sær eina treytaða frádøming, so verður koyrikortið frádømt treytaleyst í minsta lagi 6 mánaðir.

 

Stendur tú ikki royndina, verður koyrikortið inndrigið

Stendur tú ikki eftiransandi koyriroyndina, verður koyrikortið inndrigið. Og tað er óansæð, um tú ikki stendur teoriroyndina ella verkligu koyriroyndina. Tú kannst í fyrsta lagi fáa koyrikortið aftur, tá tú bæði hevur staðið teoriroyndina og verkligu koyriroyndina.

 

Hvat kostar tað?

Tað kostar 550 kr. at fara upp til eina eftiransandi koyriroynd eftir eina treytaða frádøming. Umframt tað skalt tú rinda fyri lán av einum góðkendum skúlavogni til koyriroyndina og møguliga frálæru á einum koyriskúla.

 

 

Hevur tú koyrikort til fleiri bólkar og ikki stendur royndina 3. ferð

Um tú hevur koyrikort til meira enn ein koyrikortsbólk og ikki stendur royndina 3 ferð á rað, fær tað stórar avleiðingar fyri teg. So missir tú rættin til allar koyrikortsbólkar og skalt endurtaka hvønn bólk einsæris. Tvs. at tú skalt standa teori og verkliga koyriroynd í øllum koyrikortbólkum, sum tú ynskir at endurtaka.

Les eisini