Endurnýggja koyrikortið

Sjón og hoyrn vikna við árunum og viðbragdstíðin (reaktiónstíðin) versnar. Frá tí degi tú fyllir 75 ár, er tí neyðugt at endurnýggja koyrikortið við jøvnum millumbilum. Hetta varð sett upp úr 70 árum í ferðslulógarbroytingini frá 6. juni 2017.

Fyri tey koyrikort, sum ganga út, og skulu verða endurnýggjað við 70 ára aldur, merkir hetta, at kravið um læknaváttan til koyrikort í flokki 1 (stórt prutl, motorsúkkla, vanligur bilur og stórt viðfestiakfar til vanligan bil) verður strikað. Koyrikort í flokki 1, sum gongur út við 70 ára aldur kann sostatt verða endurnýggjað við at lata inn umsókn, nýggja mynd og at gjalda 150 kr. fyri koyrikortið.

Kravið um læknaváttan fyri koyrikort í flokki 1 er í fyrsta lagi galdandi við endurnýggjan við 75 ára aldur, um ikki onnur serlig heilsukrøv eru galdandi. Frá tí tú ert fylt/ur 74 ár til 80, verður koyrikortið útgivið við 2 ára gildistíð og eftir tú ert fylt/ur 80 ár, verður koyrikortið sum higartil, givið út við 1 árs gildistíð.

Vil umsøkjari av koyrikorti til flokk 1, sum hevur fylt 73 ár men ikki 74 ár, endurnýggja koyrikortið við læknaváttan, kann koyrikort verða útgivið við 3 ára gildistíð.

Les meira um endurnýggjan av koyrikorti á heimasíðuni hjá Akstovuni