Til barnagarðar
Ferðslutrygd í og kring stovnin snýr seg um nógv ymisk viðurskifti samstundis. Tað kann t.d. snúgva seg um ferðsluna kring stovnin, leiðreglur á túri við børnunum og ferðsluvenjingar við børnunum.
Niðanfyri kanst tú lesa nærri um ymiskt, ið er viðkomandi fyri barnagarðar.
Ferðsluvenjing
Børn skulu læra at bera seg rætt at í ferðsluni. Tí eiga tey skjótast til ber at sleppa við út í ferðsluna. Verða børnini altíð koyrd í bili, kenna tey ikki vandarnar í ferðsluni. Bert venjing kann geva teimum neyðugu førleikarnar.
Foreldur eiga fremsta leiklutin
Foreldur hava ábyrgd av, at børnini gerast trygg í ferðsluni m.a. við at gera ferðsluvenjingar saman við teimum. Barnagarðurin kann stuðla undir við eisini at venja ferðsluatburð saman við børnunum.